Naglambot sa 64 milyones pesos nga balor sang ginasuspetsuhan shabu ang narekober sang Negros Occidental Police Provincial Office (NOCPPO) sa una nga anum ka bulan sini nga 2022.
Suno kay Police Lt. Judesses Catalogo, Spokesperson sang NOCPPO, nagabug-at sang 9 ka kilos sang shabu ang nakumpiskar sang nagkalain-lain nga units sang NOCPPO sa anti-illegal drugs operation humalin bulan sang Enero tubtob Hunyo.
Sa kabilugan, 331 ka mga operations ang ginpatigayon sang NOCPPO kaupod ang Criminal Investigation and Detection Group (CIDG)-6, Philippine Drug Enforcement Agency (PDEA)-6, PNP Drug Enforcement Group (PDEG)-6 kag Regional Drug Enforcement Unit (RDEU)-6.
Naglambot naman sa 414 ka mga drug suspects ang nadakpan sang NOCPPO.
Samtang, 549 mil pesos naman ukon apat ka kilos sang marijuana ang nakumpiskar sang NOCPPO.
Dugang pa ni Catalogo, ang accomplishments sang NOCPPO ang collective effort sang tanan nga drug operatives.