Masobra sa tunga sa milyon ka pesos nga gina dumilian nga poultry kag poultry related products ang na intercept sang probinsya.
Ini angut sa pagpatuman sang EO 22-09 nga naga dumili sang pag sulod sang mga live birds lakip na sa mga produkto sini nga gikan sa Luzon kag sa mga lugar nga may yara sang bird flu cases.
Sa March 12 to 18 nga report sang Provincial Veterinary Office masobra sa 533,000 pesos nga poultry kag poultry related products ang na intercept sa inspection nga ginpatigayon sa San Carlos port, Kabankalan City Animal Quarantine checkpoint kag Bacolod-Silay Airport. Ang mga table eggs ang gin kumpiskar kag ginlubong, ang dressed chicken ang gin ship back kag ang balut naman ang gin kumpiskar.
Masobra na sa 7.6 million pesos nga balor sang poultry kag poultry products sa kabilugan ang na intercept sang task force humalin sang Marso 1.