Nakuhaan sang masobra tunga sa kilo nga suspected shabu ang isa ka driver kag ginakabig nga drug personality sa Barangay Villamonte, Bacolod City, sa ginpatigayon nga buy-bust mga las 2:44 sang kaagahon sadtong Sabado, Agosto 15.
Nagabalor P4,216,000 ang narekober nga ginasuspetsuhan shabu sa nasambit nga operation sang Philippine Drug Enforcement Agency upod ang Philippine National Police.
Nadakpan sang otoridad si alyas “Jimmy”, 41-anyos, isa ka driver kag residente sang Brgy. Bata sa Bacolod.
Anum ka pinutos kag apat ka pakete nga may unod nga suspected shabu, cellphone, buy-bust money, belt bag, P15,000 kag isa ka motor ang nakumpiskar halin sa subject.
Sarang magapangatubang sang kaso nga pagsupak sang Comprehensive Dangerous Drugs Act of 2002 ang nasambit nga driver.
[sibwp_form id=1]