Nakakumpiskar ang PNP sa Negros Island Region sang masobra P42.6 Million nga balor sang smuggled nga sigarilyo, heavy equipment nga ginagamit sa quarry, kag iban pa nga pagkabutang sa separado nga operations sang Martes.
Yara sa 447 ka master cases sang sigarilyo nga nagabalor masobra P26.6 Million ang na-recover sa Purok Cogon 1, Barangay Alimango sa Escalante City, sang Martes sang gab-i.
Dakop sa operation ang 29-anyos nga lalaki ginkilala kay alyas “JC”, taga Sagay City, matapos matukiban sang otoridad nga siya ang naga-uyat kag may control sang shipment.
Samtang, pito ka mga persona ang gin-aresto kag yara sa masobra P16 Million nga balor sang heavy equipment kag quarry materials ang nakumpiskar sa Hacienda Bag-o, Barangay Crossing Magallon sa Moises Padilla.
Ginpatigayon ang operation matapos sang impormasyon nga may illegal nga quarry activities sa Binalbagan River kun diin may yara sang mga persona nga nagapanguha sang balas, graba kag bato, kag ila ini ginakarga sa dump trucks.
Nakuha sa lugar ang isa ka backhoe, apat ka dump trucks, duha ka record books, kag P8000 nga cash.
[sibwp_form id=1]