Masobra 3 milyones nga balor sang iligal nga droga na recover sa separado nga buybust operation sa Bacolod.
1.7 milyones pesos nga balor sang gina patihan shabu ang nakuha sang City Drug Enforcement Unit gikan sa 21 anyos nga lalaki nga naga serbe bilang courier sang isa ka grupo.
Ang suspek amo si Christian Oliveros. Suno sa CDEU, si Oliveros amo ang gina sugo sang grupo, nga mag pickup kag mag deliver sang iligal nga droga.
Siya ang nadakpan kahapon sang operatiba paagi sa buybust operation sa reclamation area sa Bacolod.
Samtang, 1,360,000 pesos naman nga balor sang iligal nga droga ang na recover sang Police Station 8 sa buybust operation sa Purok Kahirup, Barangay Singcang Airport sang Sabado.
Subject sa buybust amo si Baby Girl Villarna nga sadto na napreso bangud man sang iligal nga droga. Dakop man ang duha niya pa ka upod.
Kaso nga pag lapas sa RA9165 ang ipasaka batuk sa mga gindakop.