Lima ka bulto sang gina suspetsahan shabu nga naga bug-at sang malapit sa tunga sa kilo ang na recover sang kapulisan sang Sabado sang gab-i sa buybust operation sa Purok Kahirup, Barangay Singcang Airport sa Bacolod.
Ang na recover nga iligal nga droga ang gina bulubanta naga balor sa 3,060,000 pesos.
Subject sang buybust si Joey Piestaño nga isa ka high value target kag damlag na preso man bangud sang kaso may kaangtanan sa iligal nga droga.
Suno kay Major Joery Puerto, hepe sang Police Station 8, sa muntinlupa ang source sang suspek kag siya ang gina tawgan lang agud kuhaon ang iliga nga droga nga iya pa gina kuha sa siyudad sang San Carlos.
Naga pati man si Puerto nga gikan sa gwa sang Negros ang supply bangud sa ini ang na putos man sa teabag parehos sang na recover sang nagliligad nga semana nga kinilo nga shabu gikan sa gwa sang probinsya.
Kaso nga pag lapas sa RA 9165 ang ipasaka sang PNP subong nga adlaw.