Sa ikaduha nga adlaw nga selebrasyon sang MassKara Festival, nakakumpiskar sang masobra tunga sa kilo nga suspected shabu nga nagabalor P3,536,000 ang kapulisan sa Bacolod City kagab-i.
Lima ka persona ang nadakpan sa separado nga buy-bust operations sa Purok Barracuda, Barangay 1; Calong-Calong, Zone 3, Bangga Saling sa Barangay Singcang-Airport kag sa Roxas Avenue, Purok Lilac sa Barangay 40.
Nakarekober ang katapo sang Police Station 2 sang P1.7 Million nga balor sang droga sa Barangay 1; samtang P1,156,000 ang nakumpiskar sang mga pulis sang Station 8 sa Singcang-Airport; kag P680,000 ang nakuha sang City Drug Enforcement Unit sa Barangay 40.
Ginpabaskog sang Bacolod City Police Office ang ila anti-drug campaign sini nga MassKara Festival 2025 sa pagpaabot nga maga-data ang pagbaligya-anay sang droga sa tion sang festivities, kag bilang kabahin sang ila pagpasiguro nga hilway kag layo sa katalagman ang selebrasyon.
Sumugod Oktubre 1, may masobra P5.5 Milyones na nga shabu ang narekober sang kapulisan sa Bacolod City.