Sa banwa sang Binalbagan, isa ka senior citizen ang nakuhaan sang P1.7 M nga balor sang ginasuspetsuhan shabu sa Barangay Marina, nga isa sa mga tuman nga na-igo sang pagbaha bangud sang Habagat nga ginpabaskog ni Bagyong Crising.
Siyam ka pakete sang suspected shabu ang nakuha kay alyas “Roming”, 65-anyos, sang mga katapo sang Philippine Drug Enforcement Agency, kaupod ang Binalbagan PNP kag Negros Occidental Police Provincial Office.
Ginpatigayon ang operation batok sa senior citizen Domingo sang aga.
Samtang, sa siudad sang Bacolod, isa ka ginakabig High-Value Individual ang gindakup kag nakuhaan sang P408,000 nga balor sang suspected shabu sa ginpatigayon nga buy-bust sa Purok Maya, Barangay 16, Sabado sang gab-i.
Nakumpiskar sang katapo sang Bacolod City Drug Enforcement Unit sa subject nga si alyas “Cedrick”, 30-anyos, ang kapin 60 ka gramos sang ginasuspetsuhan shabu.
Magapangatubang ang mga gindakup sang kaso angut sa pagsupak sa Republic Act 9165 ukon Comprehensive Dangerous Drugs Act of 2002.
