Nagresulta sa pagkumpiskar sang masobra P2.7 Milyones nga balor sang ginasuspetsuhan shabu ang buy-bust nga ginpatigayon sa Purok Mabugnawon, Barangay Junob sa Dumaguete City sang weekend.
Kapin sa 400 gramos sang suspected shabu ang nakuha sa 42-anyos nga ginakabig High Value Individual nga si alyas “Empoy”, residente sang Barangay Looc sa Dumaguete.
Suno sa kapulisan, nakabaton sila sang impormasyon gikan sa confidential informant nga nagapangita sang buyers sang illegal drugs si “Empoy.”
Sa report sang Police Regional Office-Negros Island Region, ginpahayag nga wala makabakal ang police poseur buyer sa una nila nga transaction bangud nagkulang ang suplay sang droga apang nagpasalig si “Empoy” nga kontakon sila kung may yara na sang dugang nga stock.
Sa ikaduha nga transaksyon, nadayon ang buy-bust operation kag tigayon na nga nadakpan ang subject nga si “Empoy.”*