Tatlo ka persona ang arestado matapos makuhaan sang masobra tunga sa milyon ka pesos nga balor sang iligal nga droga sa Purok Kapawa, Brgy Pta.Taytay sang Dominggo sang kaagahon.
Ang mga gindakop amo sanday Cyril Gepielago, Julius Londres kag Pearly Mae Panes nga lunsay ginakabig mga high value individual.
20 tanan ka sachet ang nakuha sa ila kag ini ginabulubanta nagabalor sa P523,600.
Dominggo sang gab-i naman sang naka recover ang Police Station 5 sang 510,000 pesos nga balor sang iligal nga droga sa buybust operation sa Phase 5 sa Barangay Granada sa Bacolod.
Ang gin dakop amo si Mariane Gumban, 25 anyos. Isa ka plastic kag 14 ka sachet sang suspected shabu ang nakuha sa iya. Kaso nga pag lapas sa RA9165 ang ginpasaka batuk sa mga gin dakop.