Lima ka mga persona ang gindakup matapos makuhaan sang 200 gramos nga ginasuspetsuhan shabu nga nagabalor P1.3M Miyerkules sang kaagahon.
Arestado ang isa ka high-value individual kag ang apat niya ka mga kaupdanan.
Ginpatigayon ang buy-bust sang katapo sang City Drug Enforcement Unit sa Purok Lubi, Barangay 3 sa Bacolod.
Ginsiling ni Police Lt. Col. Antonio Benitez Jr., pamuno sang CDEU, isa sa mga gindakup ang makabig high-value individual, samtang ang iban niya nga mga kaupdanan ang may mga kaso angot sa iligal nga droga, kag may isa sa ila nga may anay kaso nga frustrated homicide.
Dugang nga kaso angut sa Republic Act 9165 ukon ang Comprehensive Dangerous Drugs Act of 2002 ang ipasaka batuk sa mga gindakup.