Las tres Martes sang kaagahon sang mag-ibwal ang kalayo sa isa ka building sang Jose Puey Sr. Elementary School sa Barangay Poblacion 1, Sagay City.
Sa estimate sang Bureau of Fire Protection sa Sagay City, nagdangat ang damages sang sunog sa P1,056,000. Wala sang may nasamaran sa insidente.
Ang nasunog nga building ang ginalakipan sang mga opisina sang principal, public schools district supervisor kag kindergarten.
Suno sa BFP, gintupok sang kalayo ang hulot nga iya sang Kindergarten kag PSDS. Ila nasalbar ang opisina sang principal.
Bangud nga government-owned ang building nga nasunog, ang regional office ka BFP-Negros Island Region ang maga-uyat sang investigation. Kaina, gin-turnover sang Sagay BFP sa ila regional office ang mga evidence nga nakuha sa fire scene.
Nagresponde sa sunog ang mga fire trucks sang Bato, Lopez Sugar Central kag Sagay City Fire Station.
Setyembre 3, 2025, nasunog man ang isa ka classroom sang amo nga eskwelahan, kung diin ang ginsuguran sang kalayo amo ang naga tinumpok nga sagbot sa gwa sang hulot nga posible nahabuyan sang sigarilyo.*