Masobra sa katunga ang tigayon nga na save sang probinsya sa energy costs sini humalin sang nagpatuman sang rehabilitation sa mga wirings sa Kapitolyo Probinsyal kag pag-shift sa solar energy.
Dala sang epekto sa padayon nga gamo sa Middle East, nag panawagan ang Department of Energy sa mga government offices nga mag kinot, kaangay na lamang sa mga air conditioning units nga dapat indi na mas mag tugnaw pa ang temperatura sini sa 24 degrees celsisus.
Suno kay Provincial Administrator Rayfrando Diaz, ang sadto anay 1.5 million pesos nga balayran sa kuryente kada bulan karon 700,000 pesos na lang.
September 2025 nag-sugod sa pag gamit sang solar energy ang Capitol building, Food Terminal Market of Negros Occidental kag ang Negros Residences.
Suno kay Diaz ang ginbayran sang 2024 sang probinsya sa kuryente 150 million pesos. Sang 2025, nangin 139 million pesos ini, nagnubo sa 11 million pesos.
Sini nga 2026 gina paabot nga mas mabatyagan ang lubos nga epekto sa pag shift sa solar energy. Ang madugay na nga wirings sa Kapitolyo gin pang-ilisan bilang kabahin sang rehabilitation.*
[sibwp_form id=1]