May 77.3 ka ektariya sa karon sang katubuhan nga low and moderately affected sang RSSI ukon ang yara sa level 1 and 2 infestation ang tigayon nga na spray gamit ang fungi ukon biocontrol method.
Sa report ni Engineer Colen Ocalinas ang action officer sang Provincial Biosecurity Task Force ang area nga na sprayhan naga sakop sang pila ka mga katubuhan sa Bago, Murcia kag La Carlota ukon mga 5 percent sa tuyo nila nga malambot.
Karon naga tutok man sila sa production sang fungi para maka patuman sang dugang pa gid nga simultaneous spraying.
Padayon man ang mapping nila sa mga area para ma identify ang mga katubuhan nga may yara sang level 1 and 2 nga RSSI infestation.
Ginsiling ni Governor Eugenio Jose Lacson nga gina tugyan na nila sa mga LGU ang mga tikang nga ipatuman sa mga Level 3 RSSI infestation.
Base sa nagligad nga crop year pa, na pat-od naman gid nga daan suno kay Ocalinas nga effective ang pag gamit sang fungi batuk sa RSSI bangud tigayon naman gid sini nga ma contain ukon mapunggan ang pag lapta pa gid sang RSSI.
Kun gina siling nga gina punggan sang ulan ang pag lapta pa gid sang RSSI bangud sa init mas madasig ang paglapta sang amo nga peste, karon nga naga sugod na ang biocontrol spraying gina timing nga ini indi naman mag dungan sa pag ulan.
Suno kay Lacson dapat nga may lead time ukon may tion nga maga hatag sang ligwa para mangin effective ang spraying kay epekto sang ulan amo nga gina wash off ang na spray nga fungi.
[sibwp_form id=1]