Shadow

Masobra sa 60,000 ka doses sang AstraZeneca vaccines para sa Bacolod kag Negros Occidental nag abot

PIO CAAP Bacolod

Masobra sa 6,000 ka vials ukon 60,000 ka AstraZeneca vaccine gikan sa national government ang nag-abot kaina sang aga para sa Negros Occidental kag Bacolod City.

4,080 vials ukon 40,800 ka dose ang para sa Negros Occidental kag 2,180 vials naman ukon 21,800 ka dose ang para sa Bacolod City.

Damlag pa ginsiling na sang probinsya nga hatagan sang priority sa maga-abot nga supply sang AstraZeneca amo ang mga nagahulat sang ila nga second dose.

Sa Agosto naka schedule ang pag dapat sang second dose sang AstraZeneca. Bwas nga adlaw, Hulyo 16 ginapaabot ang nahauna nga batch sang AstraZeneca nga ginbakal sang probinsya kag 3,500 ka dose ang ginalauman kag 18,200 naman ka dose ang sa ginbakal sang Bacolod.

Suno kay Negros Occidental Governor Eugenio Jose Lacson, may dugang pa gid bakuna nga ginapaabot. Masobra sa 740,000 ka bakuna ang ginapaabot sa bilog nga western visayas sa bulan lamang sang Hulyo.

Samtang, padayon ang vaccine rollout sa probinsya. Sa La Carlota City, second dose sang Sinovac vaccine ang ginpatigayon.

“AstraZeneca has informed us that we can expect at least part of those that were ordered by the LGUs and the private sector. I understand we can expect delivery this month. So, yes we are expecting more vaccines to come. In fact, Region 6 can expect 700,000 doses for the month of July,” suno kay Lacson.

Secured By miniOrangeSecured By miniOrange