Masobra sa 6,000 ka mga trabaho ang sarang nga mapilian sang job seekers sa Kalayaan Job Fair sang DOLE sa sini nga Domingo.
Suno sa pamuno sang DOLE–Negros Occidental nga si Mary Agnes Capigon, 46 ka mga lokal nga kompaniya, kag pito ka mga agencies ang maga pakig bahin sa Job Fair nga paga hiwaton bilog nga adlaw sa SM Event Center.
Halos 4,963 ang bakante nga mga trabaho sa lokal kag1,189 naman ang sa luwas sang pungsod.
Humalin sa call center agents, sales and technical support representatives, radio reporter kag news writer padulong sa driver kag housekeeper ang mga bakante nga trabaho sa lokal.
Nurses kag skilled workers naman para sa luwas sang pungsod.
Mas labing gina haylo sang DOLE nga mag pa register online agudto maka submit na sang mga pormas kag mahatagan sang priority.
May 1,800 na nga naka pa register online.
Sarang magbisita sa DOLE-Nofo page.
Pero, bukas sa gihapon ang job fair para sa walk-in.
Pahanumdom sang DOLE nga ihanda ang mga resume kag iban pa gid nga mga nagakaigo nga dokumento.
Magdala man sang kaugalingon nga ballpen kag indi malipat sa pagsunod sang health protocol.
May mga help desk man nga ipahamtang kun sa diin ang mga may luyag i-inquire ang pwede mag pakig-angut kasubong sa SSS.
Indi lamang ang programa para sa mga job seekers kay may livelihood and skills training man nga patigayunon kaupod ang Department of Trade and Industry.