Masobra sa 60 ka mga kompaniya ang magapakigbahin sa Kalayaan Job Fair 2026 nga pagahiwaton sa Biyernes, June 12, kadungan sa ika-128 nga adlaw sang kahilwayan sang pungsod Pilipinas.
Magasugod ang Job Fair las 8 sang aga tubton las 5 sang hapon sa Main Atrium sang SM City Bacolod. Ini ang ginapangunahan sang Department of Labor and Employment kag Bacolod City Public Employment and Services Office.
May walo ka mga overseas companies ang kaupod sa ini nga job fair. Kalabanan sa mga job vacancies amo ang mga skilled workers, nurses kag teachers.
Samtang masobra naman sa 60 ka mga lokal nga kompaniya ang may mga job opportunities man para sa mga Negrense nga wala pa sang trabaho.
May ara man sang Independence Day Civic Military Parade nga pagahiwaton ang siudad sang Bacolod, las 7 sang aga humalin sa BCGC ground padulong sa The Upper East sang Megaworld.
Gina-abisohan sang siudad ang publiko, ilabi na mga motorista nga may pila ka mga alagyan sa bahin sang BCGC kag Megaworld ang temporaryo nga magasira tubtob las 10 sang aga.*
[sibwp_form id=1]