Masobra sa 10,000 ka mga job vacancies ang sarang mapilian sang mga job seeker sa Kalaayaan Job Fair 2025 sa SM City Bacolod main Atrium bwas nga adlaw.
Suno sa Department of Labor and Employment, 8,852 ka local job vacancies ang gina tanyag sang 57 ka mga employer kag 1,534 naman ka mga vacancies abroad nga gina tanyag sang apat ka mga licensed agencies.
Gina haylo ang mga job seekers nga mag pa rehistro na nga daan sa dolero6.org para mas mangin madasig ang proseso.
Pero pwede sa gihapon ang walk-in applicants.
9:30 sang aga bukas na ang job fair kag maga lawig ini tubtob las 4 sang hapon.
Gina abisuhan ang mga aplikante nga magdala sang resume, pictures kag iban pa gid nga mga kinahanglanon nga dokumento.
Magluwas sa job fair may yara man sang services sang 20 ka mga national agencies nga pwede ma avail kaangay na lamang sang NBI, PSA, Pag-ibig kag Philhealth.
May medical-dental mission, massage and grooming services.
Indi lamang sa main atrium sa SM ang programa, sa 888 mall naka schedule ang World Labor Day Against Child Labor Celebration.
May MOA signing nga patigayunon sa tatlo ka mga NGO partners.
May releasing naman sang 1.5 million pesos nga check sa 29 beneficiaries sa idalom sang DOLE Integrated Program.
May 15.7 million pesos man nga cheke sa idalom sang TUPAD ang iga release sa beneficiaries sa idalom sang 21 ka mga barangay sa Bacolod.
Sa Fiesta Market sa Ayala Malls may Kadiwa ng Pangulo nga pakigbahinan sang mga 15 ka mga Kadiwa Vendors.