May 454 ka mga ginlubong sa Burgos Public Cemetery ang natalana nga kuha sang siudad sang Bacolod agud isaylo sa bone vault sa Handumanan Cemetery.
Ini agud mahawanan ang patyo sa Burgos nga nagagutok na kag madugay na nga wala ginalubngan.
Ginsiling ni Atty. Marty Go, Secretary to the Mayor, may ubrahon nga rehabilitasyon ang siudad sa mga pader sang patyo, rason nga kinahanglan nga makuha anay ang mga pantyon nga naga awas na sa patyo.
May mga ngalan na nga gin-post ang General Services Office sang siudad kag ginapanawagan ang mga himata nila nga magpadulong sa ila talatapan agud madiskusyonan ang proseso sang pagsaylo sang ila mga minatay.
Ginklaro man ni Go nga wala sang balayran ang mga himata, apang kinahanglan nga sila mismo mahikot sang mga dukomento sa pagsaylo.
Prioridad sang siudad nga masaylo una ang mga patay nga masobra na napulo ka tuig nga nalubong nga nagkalabuka na ang pantyon.
Natalana nga sugdan ang pagsaylo kon pwede na magamit ang bone vault sa Handumanan Cemetery sa bulan sang Agosto.
[sibwp_form id=1]