Masobra sa 34,000 ang tigayon naka bisita sa Mambukal Resort and Wildlife Sanctuary humalin sang liwat nagbukas ini sang Abril 20.
Sa datus sang Mambukal, humalin Abril 20 tubtob Agosto 7, 34, 668 ang kabilugan nga nag bisita sa Mambukal.
Nalakip na diri ang mga nag pa book, nag walk-in kasubong man ang nag overnight stay.
Bulan sang Mayo na sang nagsugod ang Mambukal baton para sa overnight. Masobra sa katunga, ukon 19,996 ang nag walk-in para sa day visit sa Mambukal.
Sa bulan sang Hunyo naman ang may pinaka madamo nga nag bisita – 11,366. Gina paabot ang amat amat nga recovery sang tourism industry gikan sa pandemya.
Ang Mambukal ang isa man sa mga ginapaabot nga maka bulig sang dako sa local income sang probinsya labi na sa 2023 kun sa diin gina paabot ang budget cut tuga man sang pag nubo sang National Tax Allotment.