Padayon nga gina monitor ang bulkan Kanlaon kasunod sang high volcanic gas emission sini.
Suno kay Mari-Andylene Quintia resident Volcanologist sang Kanlaon Volcano Observatory sa La Carlota City, sa ila nga record as of July 1, ang sulfur dioxide flux yara sa 3,007 ka tonelada.
May lima naman ka volcanic earthquake ukon ang linog nga may kaangtanan sa aktibidad sang bulkan ang na-record. Padayon man ang ground deformation ukon ang paghabok sang bulkan.
Sa advisory sang Philippine Institute of Volcanology and Seismology mahimo matabo ang hinali nga paglupok sang steam ukon may phreatic explosion.
Suno kay Quintia ila ginabantayan ang abrupt increase sa mga parameters nga ila monitor, pero sa karon wala man sang may na-record.
“Sa subong ang aton mga parameters sustained na siya. Kumbaga ang aton gina pangita is abrupt nga increase wala pa man sa subong. Pero continuous ang aton monitoring kay mataas ang level sang sulfur dioxide nga gina pa gwa sang aton bulkan and also inflated man siya”, suno kay Quintia.