Nag-negatibo sa pag-gamit sang iligal nga droga ang 222 ka mga persons deprived of liberty (PDLs) kag jail officers sang Metro Bacolod District Jail Male Dormitory sa Magsaysay Avenue sa Bacolod City.
Ginlakipan ang mga ginpaidalum sa random drug test sang 160 ka lalaki nga mga PDLs kag 62 ka mga jail personnel sang Bureau of Jail Management and Penology.
Samtang, isa-isa man nga gin-ukay ang mga selda kag kagamitan sang mga PDLs sa ginpatigayon nga greyhound operation, Huwebes nga adlaw.
Wala sang may narekober nga illegal drugs kag iban pa nga kontrabando sa sulod sang pasilidad.
Ginpatigayon ang BJMP greyhound kag random drug test sa bulig sang Philippine Drug Enforcement Agency.