Masobra sa 1,700 ka persona sa Bacolod nangin reactive sa HIV testing nga ginpatigayon sang nagligad nga bulan.
Pinaka huben nga HIV positive sa bacolod 15 anyos pa lang.
Suno kay HIV Campaign Focal Person Jonathan Diaz, 1,712 ang na-record nga reactive sa HIV bangud sa mas ginpalapad kag mas masupog nga information drive kag libre nga HIV testing sa mga barangay, eskwelahan, kag komunidad.
Kun magsiling nga reactive, sa preliminary test may na detect nga HIV antibodies ukon antigens sa dugo nga naga pakita sang preliminary positive result pero indi pa ini final kay mahimo nga false positive lang ini gani may confirmatory test pa nga ginahimo.
Ginpasiguro man sang lokal nga panguluhan sang Bacolod nga may nagakaigo nga supply sang HIV testing kits nga nag gikan sa Department of Health – Negros Island Region.
Dugang pa ni Diaz, isa sa mga problema sa kampanya amo ang “lost to follow-up,” kun sa diin nagakadula ang pila ka pasyente ukon wala na nagapakita.
As of July 2025 may 1,312 ka mga confirmed HIV cases ang Bacolod. Nagapang 22 ini sa ranking sa 140 ka mga LGU nga may pinakamadamo nga kaso sang HIV kag 15 anyos ang pinaka huben.
Plano sang Bacolod City Government nga magpatindog sang kaugalingon nga HIV Treatment Hub sa 2027 para mas ma pangapinan ang privacy sang pasyente kag mabuhinan ang stigma.
Ginapasalig sang siudad nga ang hub magahatag sang komportable kag libre nga pagpabulong para sa tanan.*
[sibwp_form id=1]