Masobra sa 118,000 tanan ka dose sang Covid-19 vaccines ang nag-abot para sa Negros Occidental kag Bacolod kaina sang aga.
80,000 ka vial sang Sinovac vaccine, 585 naman ka vials sang Pfizer kag 420 ka vial sang AstraZeneca vaccine ang nag abot para sa Negros Occidental.
Ang isa ka vial sang Pfizer naga unod sang 5 to 6 doses, samtang ang vial sang AstraZeneca naman ang may napulo ka dose. Mga 87,710 ka dose tanan ang nag-abot sa Negros Occidental.
Sa Bacolod naman 585 ka vial sang pfizer kag 2,700 naman ka AstraZenca ang nag-abot ukon mga 30,510 ka dose.
Sini lamang nagsugod na sa pagbakuna ang Negros Occidental sa A4 categories gamit ang donated vaccines. Padayon naman ang pagbakuna sang Bacolod tubtob sa yara sa A5 category ukon sa indigent population.