Masobra sa 101,000 ka bakuna sa Covid-19 ang nadapat sang probinsya sa mga pumuluyo sini.
Ginsiling ni Negros Occidental Governor Eugenio Jose Lacson sang Domingo nga 101,553 ka Covid-19 vaccines na ang na-administer.
Target nga mabakunahan 1.8 million ka pumuluyo ukon 70 percent sang populasyon.
Suno sa gobernador padayon ang kampanya sa mga pumuluyo nga magpabakuna pero indi naman ma negar nga may preference sa pila ka mga pumuluyo.
Suno kay Lacson may yara sa mas gusto ang Western brand. Ginsulit ni Lacson nga sandig sa mga health expert palareho lamang ang mahatag nga proteksyon kag benepisyo sang bakuna ano man ang brand sini.
Samtang padayon naman ang pagbakuna sa Pfizer vaccine sa Negros Residences nga tinutuyo matapos sini nga adlaw.
19 naman ka mga banwa kag siudad ang nagbaton sang Sinovac vaccine sini nga Lunes.