Gina pabaskog karon sang Probinsya ang information dissemination angut sa cocolisap ukon ang insekto nga naga atake sa mga lubi agudto malikawan ang pag lapta pa gid sini.
Suno kay Dina Genzola ang OIC sang Office of the Provincial Agriculturist, padayon ang pruning sa mga apektado nga lubi sang cocolisap. Sa Mailum sa Bago, may 1,172 na ka mga puno sang lubi ang tigayon nga na prune.
May 100,000 pesos nga pondo gikan sa Philippine Coconut Authority ang gingamit para diri. May gin pain man nga 200,000 pesos nga pondo ang probinsya para man diri.
Magluwas sa pruning para masalbar pa ang mga puni sang lubi nga apektado, gin sugdan naman ang pag release sang coconut scale insect predator.
Ini ang biological nga pamaagi agud mapatay ang mga cocolisap. Padayon ang training sa mga personnel.
Suno kay Genzola, napatuman na nila ang quarantine ukon pag dumili sang pag gwa sang mga produkto sang lubi nga wala na treat gikan sa mga apektado nga lugar.
May 5,000 ka lubi nga verified apektado sang cocolisap sa Bago, Murica, La Carlota, kag La Castellana. Gin hulat sa karon ang pag porma sang CSI mitigating Task Force.
“Naga info campaign kami sa aton nga mga agriculturist para ma disseminate man nila ang information didto sa LGU at the same time ang pruning subong sige sa aton area, especially sa Bago City”, suno kay Genzola.