Masobra pa sa P1 billion ang ginapaabot nga iga-release sang Department of Social Welfare and Development Office para sa mga apektado sang RSSI ang ila nga mga katubuhan.
Ginsiling ni DSWD NIR Director, Arwin Razo nga tubtob sa karon padayon ang pag panagtag sang ayuda sa idalom sang Emergency Cash Transfer para sa magagmay nga sugarcane farmers.
Naka schedule sila mag hatag sa masunod nga mga inadlaw sa Amlan sa Negros Oriental, Sagay City, La Carlota City, Talisay City, Kabankalan City kag Hinoba-an sa Negros Occidental. Kabahin pa ini sang ikatlo nga batch sang tagtaganay sang ECT.
As of August 28, may P280.8 million ang na release sang DSWD para sa 27,304 farmers.
Tigayon na sila nga naka request sang pondo para sa masunod nga halatagan nga naga lakip sang masobra sa 100,000 ka mga farm laborers kag mga 90,000 pa gid ka mga small sugarcane farmers gikan sa duha ka mga probinsya.
Gina paabot nga tubtob na sa 4th quarter sini nga tuig ang tagtaganay sang ayuda suno kay Razo.
P10,325 ang gina baton gikan sa Negros Occidental, P10,125 naman ang sa Negros Oriental bangud ang kantidad naga depende sa minimum wage sang natungdan nga mga probinsya.
“The premise is yung mga small sugarcane farmers meron din siyang mga trabahante so ito din yung vulnerable. Marginalized and vulnerable nga sector because of the impact of the infestation of RSSI. So it’s not only the landowners, but even the farm laborers. Kasi nakikitrabaho lang sila eh”, suno kay Razo.
[sibwp_form id=1]