Nakakumpiskar ang katapo sang Bacolod City Drug Enforcement Unit sang P816,000 nga balor sang suspected shabu sa buy-bust nga ginpatigayon sa bahin sang Bacolod Real Estate Development Corporation port, Purok Lampirong sa Brgy. 2, Bacolod City, kaina sang kaagahon.
Dakup ang tatlo ka mga persona nga naga-edad 21, 32 kag 27 anyos. Sila ang taga Silay City, Bacolod kag Pontevedra.
Narekober sa ila ang pulo ka pakete sang ginasuspetsuhan shabu nga may kabug-aton nga 120 grams.
Kaso nga pagsupak sang Republic Act 9165 ukon Comprehensive Dangerous Drugs Act of 2002 ang igapasaka sang kapulisan batok sa mga gindakup.*