Arestado kahapon ang 36 anyos nga si Rhemhon Dumangcas matapos makuhaan sang masobra isa ka milyon ka pesos nga balor sang iligal nga droga sa BREDCO port sa Bacolod.
Suno kay Agent Dalisay sang PDEA, padulong kun tani sa Dumangas ang suspek nga ila gina siling isa ka courier, nga masakay sa ro-ro vessel sang ini ang mag likaw sa paneling sang otoridad kag nagpalagyo.
Siya ang ginlagas kag didto nakita sa putos nga iya kun tani ihaboy, ang duha ka plastic sang gina patihan shabu nga naga bug-at sang 150 grams.
Detained karon sa Police Station 2 ang suspek.
Samtang, 4,590,000 pesos naman nga balor sang iligal nga droga ang na recover sang City Drug Enforcement Unit sang Bacolod City sa buybust operation sa Purok Riverside, Barangay Bata sang Sabado sang kaagahon.
Dakop sa buybust sanday Erwin Belonio kag Anthony Solon. Anum ka plastic kag 11 ka sachet sang ginapatihan shabu ang nakuha sa ila.
Detained naman sila karon sa Police Station 3. Kaso nga pag lapas sa RA 9165 ang ipasaka batuk sa mga suspek.