Masobra tres milyones pesos nga balor sang iligal nga droga ang na recover sang City Drug Enforcement Unit sa buy-bust operation kaina sang kaagahon sa Purok Kapawa sa Barangay Tangub sa Bacolod.
Arestado sa buy-bust ang 26 anyos nga si Sean Navarro nga gina kabig high value individual.
Tatlo ka dako nga plastic kag lima ka sachet sang suspected shabu ang nakuha sa iya.
Ini gina bulubanta nagabalor sa 3.4 million pesos.
Detained karon si Navarro kag kaso nga pag lapas sa RA 9165 ang ipasaka batuk sa iya.