Masobra isa ka milyon ka pesos nga ayuda gin palab-ot sa 12 ka mga anay rebelde nga nag surrender.
Nag baton sang bulig pinansyal paagi sa enhanced comprehensive local integration program sang gobyerno ang 12 ka mga anay rebelde sa Negros Oriental nga karon nag balik na sa sabak sang gobyerno.
Sandig sa report sang 6nd IB sang Philippine Army, pito sa mga nag surrender nga ang anay miyembro sang milisyang bayan. Sila ang nag baton sang tig 15 mil pesos.
Lima naman ang miyemro sang New People’s Army kag tig 65 mil pesos. May apat man sa ila nga nag surrender sang ila mga armas kag ini ang gin bayluhan naman sang 234 mil pesos sang gobyerno.
Magluwas sa bulig pinansyal sa E-Clip program, ang provincial government sang Negros Oriental kag si governor roel degamo ang nag hatag man sang dugang nga cash assistance sa mga anay rebelde.
Gin pangabay naman sang army sa mga anay rebelde nga nag baton sang bulig nga ila ini gamiton sang maayo para sa sa ila tagsa ka pamilya.
Padayon man ang pag panawagan sang army ang pag sungka sang iban pa nila nga mga upod nga mga rebelde agud makabaton man sang bulig gikan sa gobyerno.