Nagdangat sa 13,703,000 pesos nga balor sang shabu nga nakuha sang San Carlos City PNP gikan sa duha ka High Value Individuals sa buy-bust operation sang kahapon sa may Hda. Sta. Ana, Brgy. Palampas, syudad sang San Carlos.
Ginkilala ang mga nadakpan nga sanday John Valentin Remegio, 34 anyos kag Crismark Blancaflor, 27 anyos, lunsay mga taga Iloilo.
Nakuha sa ila ang tatlo ka mga pakete kag duha ka vacuum sealed transparent sachet nga naga unod sang ilegal nga droga nga naga bug-at tanan sang 2,015.25 grams.
May isa ka unit sang salakyan nga gin impound. Nakuha man 10,000 pesos nga buy-bust money kag iban pa nga mga butang.
Ginpasakaan sila sang kaso nga paghupot kag pagbaligya sang iligal nga droga.