Masobra sa 2 million pesos ang balor sang itlog kag mga manok ang tigayon nga gin ship back sang probinsya.
Suno kay Dr Shinly Gemoya, sang Provincial Veterinary Office, sa December 1 to 9 nila nga apprehension report, may 1.5 million pesos nga balor sang table eggs gikan sa South Cotabato nga may kaso sang bird flu ang ila nga na intercept sa entry point sa Kabankalan kag ila ini tigayon nga gin ship back.
Ang table eggs isa sa gina dumilian sa gina patuman karon nga banning sang probinsya kasunod sang kaso sang bird flu. Dugang pa ni Gemoya, sa Dec 1 to 9 nga report may na intercept man nga mga fighting cocks nga wala sang permit kasubong man native chicken.
Sa kabilugan, 2,230,258 pesos ang balor sang ila nga nagkaladakpan. Padayon man ang hugot nga pagbantay sang African Swine Fever Task Force sa mga points of entry sa probinsya.
Humalin Disyembre 1 tubtob 14, 207,904 pesos ang bili sang pork kag pork products nga na confiscate sang ASF Team sa mga puerto kag iban pa nga entry points. Suno kay Gemoya, sa ila nga apprehension report, 422 ini tanan ka kilo kag 695 naman ka mga tubs ukon packs. Kadam-an sini ang tigayon na intercept sa mga puerto sa Bacolod.