Para sini nga bulan sang Disyembre, tubtob na lamang bwas, Disyembre 23, Martes nga adlaw ang Voter Registration sang Commission on Elections.
Suno kay COMELEC Regional Director, Atty Lionel Marco Castillano, katapusan nila ang Disyembre 23 para sa naga padayon nga Voter Registration, maga resume sila sa Enero 5 na.
Humalin sang pagsugod liwat sang voter registration sang Oktubre tubtob December 20, may 52,375 ka nag process sang ila nga application.
35,538 diri ang sa Negros Occidental. 16,076 naman sa Negros Oriental kag 761 sa Siquijor.
Suno Castillano, kinahanglan nila nga iduso ang kampanya sang voter registration kay kun mag salig lamang sila sa maga padulong sa ila nga mga talatapan, manubo ang naga pa rehistro.
Ang COMELEC naga laum nga indi na maghulat ang mga luyag mag pa rehistro sang katapusan nga mga semana sang voter registration kag amo ang pag daguso kag pag ginutok.
Sa bulan sang Mayo maga tapos ang voter registration para sa Barangay kag SK Elections nga naka schedule sa Nobyembre 2026.
“Kung hindi lang siguro pumunta ng mga schools, ng mga barangay at nasa malls yung Bacolod at Dumaguete, mukhang mahina talaga kung nag-aantay lang kami sa office”, suno kay Castillano.*
[sibwp_form id=1]