Sa nagligad nga apat ka adlaw sang voter registration, may 33,705 ang tigayon nga nagpadulong sa talatapan sang Commission on Election para mag pa rehistro.
Sa datus nga gin-release sang COMELEC NIR, ang COMELEC Negros Occidental ang may pinaka damo nga nag pa rehistro sa nagligad nga apat ka adlaw – 20,806.
Ang Negros Oriental naman may 12,551 kag ang Siquijor 953.
Paathag ni COMELEC NIR Regional Director, Atty Lionel Marco Castillano, normal nga damo ang Negros Occidental bangud daku man nga probinsya ini.
Ang Siquijor naman, paathag niya, mataas na ang voter turn-out sini sa nagligad nga piniliay, gani mahimo nga madamo na sa mga pumuluyo ang rehistrado na.
Dugang pa ni Castillano ang announcement nga paga lagdaan ni Presidente Ferdinand Marcos, Jr ang postponement sang Barangay kag SK Elections para sa masunod nga nga tuig ang wala maka apekto sa naga padayon karon nga voter registration.
