Masobra sa 22,700 ang nabakunahan sa Negros Occidental kontra Covid-19 as of May 17.
Suno kay Dr Jessica Fama, medical specialist 3 sang Provincial Health Office gina fast track sa karon ang pagbakuna.
Sa kada may mag abot nga bakuna gina abisuhan ang local government unit nga dapat magamit ini sa sulo sang lima tubtob anum ka adlaw humalin sa pag -abot.
Wala labot diri, dapat gilayon man nga mag hatag sang report. Ini bangud nasandig diri ang pag padala ukon pag supply sang national nga panguluhan sang bakuna para sa probinsya.
Suno kay Fama, isa sa mga pagpanghangkat nga gina atubang nila amo nga kun may mga lugar nga naga ka lockdown bangud nagaka apeketuhan man ang pagbakuna.
Samtang, sa Hwebes, sa Barangay Kapitolyo Vaccination Program, unahon ang mga senior citizens kag may co-morbidity.
Sa 2,123 ka mga empleyado sang probinsya nga indi mga health frontliner gina pat-od pa kun pila gid ang wala pa mabakunahanan.
Nagapanawagan naman ang gobernador sa mga empleyado nga mag pabakuna. Indi man mandatory suno kay Governor Eugenio Jose Lacson, pero ini ang ginalantaw pinaka maayo nga pamaagi nga ma lamapuwasan ang pagpanghangkay sang Covid-19.
[sibwp_form id=1]