Ginpangunahan sang Department of Social Services and Development ukon DSSD-Bacolod ang payout sang tig 6,000 pesos nga cash subsidy para sa mga solo parents sa Bacolod City Government Center Miyerkules sang aga.
Suno kay Richelle Verdeprado-Mangga, head sang DSSD Bacolod, may 936 ka solo parents nga kwalipikado kag makabaton sang ayuda ukon pareho nga balor sang 1,000 pesos kada bulan halin Enero tubtob Hunyo 2025.
May yara naman sang 564 pa ka mga solo parents nga padayon pa nga gina-verify sang ahensya antes maaprobahan ang ila application.
Suno pa kay Verdeprado-Mangga nga sa kabug-usan, may 2,006 ka rehistrado nga solo parents sa Bacolod City, apang ang mga kwalipikado lamang sa amo nga subsidy amo ang mga minimum wage earner and below, base sa Republic Act 11861 ukon Expanded Solo Parents Welfare Act.