Phivolcs nagpagwa sang notice of increased seismic activity sa bulkan Kanlaon kasunod sang masobra sa 70 ka mga pagtay-og humalin sang kaagahon tubtob mag udto sini nga Lunes.
May 72 na mga volcanic earthquakes nga na record ang Kanlaon Volcano Network humalin 12:00 AM tubtob 12:00 PM subong nga Mayo 12. 135 naman volcanic earthquakes ang na record kun humalalin pa sang kahapon sang kaagahon.
Nagalakip ini sang mabaskog nga volcano-tectonic ukon VT earthquakes.
nagakatabo ang VT earthquakes kun nagasaka ang magma ukon magmatic gas.
Ang volcanic sulfur dioxide gas emissions halin crater sang Kanlaon kahapon ang yara sa average nga 554 tonnes/day.
Nanaog ini kun ikumpara sa average nga sulfur dioxide emission sang nagliliad nga binulan kag inadlaw.
Suno sa Phivolcs nagpakita ini nga may blockage ang volcanic gas emission nga mahimo magsresulta sa explosive eruption sang bulkan.
Nagapabilin sa sa Alert Level 3 ang bulkan ukon may magmatic unrest sa Kanlaon.
Ginsiling sang mga manunudlo kag principal sa mga eskwelahan malapit sa bulkan nga ginpahibalo na sila sang ila himuon ukon diin sila dapat magkadto engkaso nga mag alboroto ang bulkan Kanlaon.