Masobra sa 70 ka mga bus driver sa Bacolod ginpaidalom sa random drug testing antes sang Semana Santa.
Boluntaryo nga nagpaidalom sa random drug testing ang kwarentay dos ka mga drayber kag staff sa South Bus Terminal sang Vallacar Transit Incorporated sa Bacolod.
Kabahin ini sang “Oplan Harabas” sang PDEA upod sa PNP, LTO, HPG, PCG kag LTFRB upod man sa tagdumalahan sang bus company para sa pagpasiguro nga mangin safe ang pagbyahe sang mga pasahero sa Semana Santa.
May 35 pa ka mga empleyado sang bus company sa north bus terminal ang nagpaidalom man sa drug testing.
Suno kay PDEA regional director Alex Tablate, tuyo nila nga isunod sa random drug testing ang iban pa nga bus kag jeepney driver sa probinsya para mapangapinan ang riding public kag mapabaskog pa ang kampanya kontra iligal nga droga.