Masobra sa 500 ka pulis kag mga force multiplier ang iga deploy para sa seguridad sang Panaad sa Negros Festival. Gun ban ang ipatuman man sa bilog nga kahiwatan.
May final coordinating conference pa nga ipatuman ang pulis bahin sa seguridad kasubong man sa dalagan sang trapiko sa Panaad Festival. Pero ginsiling ni Provincial Director, Col Rainerio De Chavez gikan sa Bacolod PNP kag Negros Occidental PNP ang iga-deploy sa lugar. Maga pa gwa pa ang PNP sang advisory bahin sa DOs and Donts angut sa selebrasyon. Nalakip na diri ang indi pag tugot sang pag gamit sang backpacks sang mga maga tambong.
Angut man sa selebrasyon, ipatuman ang gun ban. Suno kay De Chavez, may suspension sang permit to transport and carry firearms outside residence, sumugod Abril 15 tubtob 21 sa probinsya sang Negros Occidental.
Bahin naman sa dalagan sang trapiko, sumugod la una sang hapon tubtob la una sang kaagahon mangin one way ang Dona Carmen Avenue ukon ang gikan sa bangga Lopue’s pasulod sa Panaad. Magabalik ang two way la una naman sang kaagahon tubtob la una sang hapon sandig sa traffic guidelines.