Masobra sa 320 ka dugang nga police personnel gikan sa Siquijor kag Western Visayas ang gin-deploy sa Bacolod City para mag reinforce sa security kag public safety operations para sa MassKara Festival 2025.
Ini suno sa Bacolod City Police Office nga nagpahayag man nga ang second batch sang augmentation forces — 300 gikan sa Police Regional Office 6 (PRO 6) kag 20 gikan sa Siquijor Police Provincial Office — ang nag report na for duty kasunod sang accounting and pre-deployment briefing sadtong Oktubre 16 sa BCPO Covered Gym.
Si BCPO City Director Police Colonel Joeresty Coronica nagsiling nga ang deployment sang dugang nga personnel ang maga pabaskog sang police visibility, kag maga pasiguro sang mas maayo nga crowd management, kag pag pabilin sang peace and order sa bilog nga selebrasyon.
Sa pihak nga bahin ang Bacolod City Fire Station ang yara naman karon sa Full Alert Status (Code Red) angut sa kahiwatan sang MassKara Festival.