Indi magnubo sa 31 ang nag-file COC sa pagka alkalde sa nagligad nga pito ka adlaw.
Team Asenso Silay sa pag panguna ni anay mayor Mark Golez ang nag-file sang ila nga certificate of candidacy Lunes sang aga.
Upod ni Golez nga nag file sang iya COC bilan alkalde sang banwa si councilor Ryan Gamboa nga nag file sang COC bilang bise alkalde.
Sila ang ginbayaw ni Mayor Javi Benitez. Upod man nila sa ila pag-file ang bilog nila nga slate.
Sang weekend, tigayon naman naka file para sa iya re-election bid si Escalante Mayor Melecio Yap. Nag-file man para sa iya re-election si Cadiz City Mayor Salvador Escalante, Jr., kag upod niya bilang bise alklade ang iya nga hinablos nga si councilor Vincent Escalante.
Sa Sagay City, balik pagka alkalde si Vice Mayor Leo Rafael Cueva kag nag file naman COC para sa pag ka bise alkalde si Mayor Narciso Javelosa, Jr.
Sa Moises Padilla nag-file sang iya COC sa iya re-election bid si Mayor Ella Celestina Garcia – Yulo, upod niya bilang vice mayor ang iya bana nga si Felix Mathias Yulo, III, bilang vice mayor.
Nag-file man bilang alkalde sang Kabankalan si anay Mayor Isidro Zayco upod si Vice Mayor Miguel Migz Zayco.
Balik alkalde naman si Councilor Richard Jaojoco sang Toboso nga nag-file sang iya COC sang Biyernes.
Nag-file man si Jurry Nabaja sang COC bilang alkalde sang Cauayan.