Comelec Bacolod ang tigayon nga naka process sang masobra sa 2,600 ka mga nagkalain-lain nga mga application sa sulod sang duha ka semana nga pagbukas sang Voter’s Registration.
As of December 22, 2,629 ka mga nanari-sari nga application ang na process sang Comelec-Bacolod.
Sa report sang Comelec-Bacolod, may 284 ka mga nag apply for new registration sa naga pang edaron 15 to 17 years old.
808 naman ang nag apply new registration para sa 18 to 30 years old kag 215 naman sa 31 years old and above.
Ang nabilin mga nag process para sa transfer of registration, reactivation kag correction of entries.
Padayon ang paghaylo sang Comelec sa mga wala pa maka pa rehistro nga kalitan na ang tiempo sini nga holidays para mapa iway ang ano man nga pag ginutok sa Enero labi na sa ulihi nga mga inadlaw sang registration.
Nagsugod sang Disyembre 12 kag tubtob sa Enero 31, 2023 ang registration of voters. Sa pinaka ulihi nga Lunes sang Oktubre 2023 ang Barangay kag Sangguniang Kabataan Elections.