Masobra sa 1,500 ka mga job order workers ang wala gihapon makabaton sang sweldo halin sa siudad sang Bacolod.
Humalin pa sang nagligad nga semana nga nagapila sa cashier ang pila ka mga job order workers para makakuha sang ila sweldo sa binulan nga pag-trabaho sa siudad.
Pero may masobra pa 1,500 sa gihapon nga mga JO ang nagahulat nga ma-release ang ila sweldo antes pa magtakop ang tuig.
Suno kay City Administrator Pacifico Maghari, III, padayon ang ila pag-proseso sang requirement ilabi na nga na-delay man ang appointment letter sang kadam-an nga mga JO. Ginapaabot niya nga sa sini nga semana mabaton na sang kapin 3,500 ka mga JO ang kabilugan nila nga sweldo.
Nagahinyo man sila sang paghangup kag pag-pasensya, ilabi na sa mga naga-pautwas kag naga-reklamu sa social media matapos mapaslawan nga maka-kuha sang sweldo karon nga paskwa.