Sa ginpagwa nga monitoring report sang PHIVOLCS, 17 ka mga pagtay-og sa bulkan Kanlaon ang na record sang kahapon.
Nagdangat naman sa 10,880 ka tonelada sang sulfur dioxide ang ginbuga sang bulkan sang kahapon.
Mas manubo kun ikumpara sa nagligad ng adlaw pero tuman ka dako kun ikumpara sa masobra sa isa ka libo nga tonelada lang antes ang paglupok sang bulkan sang June 3.
Naga pabilin sa gihapon sa Alert Level 2 ang Bulkan Kanlaon.
Posible ang phreatic erruption ano man nga oras gani dapat wala gina pasudlan ang 4 kilometer nga permanent danger zone.
Sa tion nga mag gulpi lang habok ang idalom nga portion sang bulkan, ipaidalom na ini sang PHIVOLCS sa Alert Level 3 bangud buot silingon naga saka na ang magma sa idalom sang bulkan.