Shadow

Masako nga pagbuga sang abo sang kanlaon indikasyon sang pagsaka sang magma suno sa PHIVOLCS

Padayon ang ash emission ukon ang gina tawag nga eruption sang bulkan Kanlaon.

Suno sa Philippine Institute of Volcanology and Seismology ukon Phivolcs ang frequency sang sini nga emission nagakasayuran nga nagasaka ang magma.

Subong lamang nga adlaw Enero 27, may 3:51 am to 4:22 am nga ash emission nga nag tuga sang plume nga may 500 metros nga kataason gikan sa summit sang crater.

Ang ika duha nga emission nga na record sini nga adlaw 1:01pm.

Sa Enero 27 man nga report may 30 ka volcanic earthquakes ang na record kag pito ka volcanic tremors.

“Ang magma nagasaka. When you say magmatic volume parang indi pa naton ma (determine) kun ano ang kadamuon sa dalom. (So ang magma nagasaka?) yes. (with the frequent emissions that we have now)”, suno kay Quintia.

Ginsiling man ni Governor Eugenio Jose Lacson nga damlag pa ginpaathag na sang Phivolcs nga antes pa man magkalma ang bulkan Kanlaon, may matabo nga culminating activity ukon paglupok nga indi gid man mapat-od kun ano.

Suno sa gobernador mahimo ayhan ini lava flow ukon kasubong sang daw fireworks.

Padayon naman ang pag panghanda sang LGU sa ila nga contingency plan para sa Alert level 4.

Sang Biyernes, nag present ang La Castellana kag suno kay OCD NIR Director may ginpaliwat sa format.

Samtang, suno kay Lacson, ang Bago LGU kag La Carlota LGU ang naka lagda na sang MOA sa iban nga LGU para sa relocation sang ila nga mangin evacuees.

Secured By miniOrangeSecured By miniOrange