Padayon sa karon ang pagkaayo sang mga banwa kag siudad sa ila nga mga booth para sa gina paabot MassKara sa Panaad.
Suno kay Provincial Administrator Rayfrando Diaz, mahimo sa masunod na nga semana tigayon nga ma release ang pondo nga tig 100,000 pesos nga maga serbe assistance para sa mga LGU nga maga pakig bahin sa MassKara sa Panada nga natalana sa October 10 to 16.
Sa karon ang banwa pa lamang sang La Castellana ang naka submit sang ila nga project proposal. Suno kay Diaz sa tion nga maka submit na sini ang mga LGU sarang na ma release ang 100,000 pesos nga assistance.
Mahimo nga ini ang magamit na nila sa ila nga mga activities sa kada adlaw imbes nga para sa pag pakaayo sang booth.
Halos tanan nga LGU booths ang ginahanda naman para sa MassKara sa Panaad, lakip na diri ang iya sang Bacolod. Gina lauman sa kada adlaw ang kada distrito may parade of food suno kay Diaz.