Mas barato nga e-jeepney ginaduso ni Anay Ilocos Sur Gov. Luis Chavit Singson para sa ginapatuman nga public utility vehicle modernization program.
Sa madasun nga tuig, suguran ni anay Ilocos Sur Governor Singson ang pag-roll out sang tig-P1.2M nga electric jeepney kaupod ang Korean-based firm nga amo ang maga-manufacture sang mga public utility vehicle units nga iya ginaduso para sa modernization program.
Ginpahayag ni Singson nga wala sang interest kag downpayment para sa mga e-jeepney nga iya ginatanyag sa mga transport sector kun ikumpara sa tag-P2.4M asta P3M nga mga e-jeepneys.
Gindugang niya nga sarang maka-produce sang asta 600 ka electric jeepney units ang planta nga iya ginapatukod sa Batangas.
Sa iya pagpapili bilang senador magalunsar man siya sang “Bangko sang Masa”, isa ka digital bank para matagaan sang bank account kag credit card ang mga Pinoy.
Madasun niya nga ginapromisa ang universal basic income nga tig-P500 para sa tanan nga mga Pilipino nga naga-edad 18 anyos pasaka.
Si Singson ang gin-updan sang iya anak nga si Rep. Richelle Singson sang Ako Ilocano Ako Partylist para magbuylog sa kasadyahan sang tuigan MassKara Festival.