Napatay ang 42 anyos nga si John Irish Chiva nga gin luthang sang Miyerkules sang gab-i sang wala pa makilal-an nga persona sa bagsakan sakop sang Barangay 40 sa Bacolod.
Tubtob sa karon, wala pa sang may gina tan-aw nga suspek ang PNP sa pag patay kay Chiva. Wala man pa man abi sang CCTV cameras sa lugar suno sa hepe sang police station 6 nga si major leo estopa.
Pero suno kay estopa, sila ang nakabaton sang impomasyon nga madamo sang kontra sa libertad si chiva gani mahimo pagtimalos amo ang kabangdanan sa pagpatay sa iya.
Damlag nadakpan man si Chiva may kaangtanan sa iligal nga droga sang tuig 2018. Padayon pa ang ila karon nga imbestigasyon.