Kooperasyon sang Pilipinas sa iban pa nga pungsod ginalauman sang international observers agud mapangapinan ang kalalawran kag dunang manggad.
Ang pagbungguanay sang duha ka mga sakayan nga nagresulta sa pagkasunog kag pagkalugdang sang isa sa mga vessel ang eksena sa ginpatigayon nga Marine Pollition exercises sang Philippine Coast Guard upod sa Japan kag Indonesia Coast Guard sa coastal area sang Bacolod City kaina sang aga.
Diri ginpakita sang Coast Guard ang kapasidad sa firefighting kag search and rescue operation.
Sa bulig sang aerial kag sea assets sang Japan kag Indonesia Coast Guard mas nangin madasig ang pagrespondi ilabi na sa bahin sang oil spill recovery kag containment operation.
Kabahin sa katapo sang international observers nga napabilib sa kapasidad sang maritime exercises si Lieutenant Commander Benjamin McIntyre-Coble sang US Coast Guard Pacific Area.
Ginapaabot niya ang dugang pa nga mga international cooperation kasubong sang Marpolex agud mas mapangapinan sang tagsa ka mga pungsod ang kalalawran kag dunang manggad.
Ang Marpolex ang may tatlo na ka dekada nga ginapatigayon sa tunga sang tatlo ka pungsod.